Jom Belajar Bahasa N9...
>> Friday, December 07, 2012
Ponah dulu tojadi kek kampung tut tut tut.. ado soghang makcik tu lumpuh pinggang ko bawah.. dio cumo aghap an koghusi ghoda tuk bogoghak lam ghumah eh...
Pado suatu aghi dio bogaduh bosa mo laki eh.. punco eh laki eh mintak kawen laie satu.. dio boghaso kocewo mo sikap laki eh.. tak di sangko koesok an aghi eh dio moningga.. solopeh di anta ko sepita tuk pomoriksaan, dokto mongosah an dio minam ghacun ghondap.
Makno eh dio mati bunuh dighi la..., solang boboghapo minggu lopeh tu banyak pokagho aneh bolaku kek kampung tu.. nak ondak waktu malam.. torutamo eh malam jemahat..
nak dijadikan coghito.....
Milah soghang awek kilang.. beso eh dio balik naik bas kilang tompi malam tu nasib eh agak malang sobab bas kilang eh ghusak di tongah jalan.. apo bulih buek, dio nekad balik jalan kaki.. kobotulan tuk sampai ko ghumah eh dio topakso tompoh ghumah makcik yang bunuh dighi tu tadi..
Malam tu pulak ujan mulo ghobeh2.. Milah jalan cam beso la.. totap kontrol cun.. bilo sampai boto boto dopan ghumah makcik tu, Milah ghaso cam ado bondo mongikut eh.. dio mulo tak tontu aghah.. kocoloan tekau.. dio cubo pandang ko bolakang tompi tak boghani.. poluh dah moncieh ni.. toghaso bulu tongkuk eh moghomang..
dio cubo bojalan dongan lobih laju tompi bunyi bondo tu pun tughut samo laju.
Todonga cam bunyi koghusi ghoda mongikut eh.. dio makin comeh dan bolaghi sokuek ati eh tompi bondo tu makin dokek mo dio..
sampai satu kotiko dio tak bulih nak bojalan lagi.. toghaso cam kaki kono pogang dek seseoghang.. di moghonto ngangkek ngangkek an kaki tuk molopeh an dighi..
Dongan tonago yang kuek dio monyepak topat teh muko oghang tu..
tibo tibo pangggggggggggg...!!! Molokek satu ponampa teh muko Milah..
"Lain kali nak molansit tu basuh kaki dulu.. sampai muko den pun kau sepak".... tongking laki eh... Milah pun tosoda daghi mimpi eh dan sonyum2 kambing.. hihihoho.....
Moral of the story..., jangan goma kojut an bini molansit momalam ni dongan momogang kaki eh.... kan dah kono ponyepak.. tak cayo cubolah kek bini momasing..haha.... -tungau-
Den kutip dari FB.... buat santai petang dan berehat dari mencaci maki hamun umno laknatullah sebuah Parti Melayu Paksi Kebodohan yang nyata sejak ianya ditubuhkan kembali oleh Mamak mahaDeath pada tahun 1988 dengan nama "UMNO BARU"... hahahaha... !!!!
Post a Comment
Gua tidak bertanggungjawab terhadap semua komen mahupun pandangan yang dihantar pembaca atau di cetak semula di blog ini. Hanya komen di ruang komen Intensedebate sahaja yang akan disiarkan.
1) Komen dari Anonymous/Tanpa Nama tidak akan di layan sama sekali.
2) Begitu juga dengan sebarang komen yang berbentuk sensitif, mengikut takrifan gua, akan dipadam.
Jika ada sebarang cadangan, kritikan atau tak puashati secara peribadi dengan gua, sila email ke zergdukes@gmail.com